Kur flasim per terheqjen dhe ate shkendijen e pare qe lind mes dy njerezve, shpesh priremi te mendojme per tiparet fizike, menyren se si vishet dikush apo thjesht pamjen e jashtme. Por ne te vertete, egziston nje element shume me i thelle qe i jep forme te gjithe imazhit te nje femre dhe ajo eshte, pikerisht, konfidenca.

Vetebesimi nuk eshte thjesht nje stoli qe e vesh kur do te te biesh ne sy, por eshte baza mbi te cilen ndertohet te qenit terheqese. Nje femer mund te kete cdo tipar qe shoqeria e konsideron te bukur, por nese brenda saj mungon ajo shkendija e besimit ne vete, e gjithe pamja e saj peson nje renie te ndjeshme. Mungesa e konfidences e ben nje femer te duket gjithmone me e paket nga sa eshte ne te vertete, sepse pasiguria priret te fshehe vlerat me te mira dhe te nxjerr ne pah vetem dyshimet.

Kur nje femer nuk ka besim te vetvetja, kjo gje verehet menjehere ne menyren se si ajo qendron, ne menyren se si flet apo edhe ne menyren se si i shmang kontaktet me sy. Ajo priret te zvogeloje pranine e saj ne nje ambient, te terhiqet dhe te mos lejoje qe energjia e saj te shfaqet e plote. Kjo ben qe te tjeret te mos e shohin ate per ate qe eshte realisht, por per ate qe ajo transmeton permes pasigurise se saj. Bukuria fizike apo inteligjenca humbasin shume nga shkelqimi i tyre kur mbulohen nga frika se cfare mendojne te tjeret apo nga nevoja e vazhdueshme per te kerkuar konfirmim jashte vetes. Ne menyre te ndersjellt, kur nje femer e njeh vleren e saj dhe ecen me bindjen se nuk ka nevoje te vertetoje asgje pervecse te jete vetvetja, ajo rrezaton nje lloj energjie qe i ben te tjeret te kthejne koken instinktivisht.

Sidoqofte, konfidenca eshte nje arme me dy tehe dhe kufiri mes te qenit e sigurt ne vete dhe kalimit te mases eshte shume i holle. Ashtu si mungesa e vetebesimit e ben nje femer te duket me e paket, edhe teprimi me te mund te kete te njejtin efekt negativ, por ne nje menyre tjeter. Kur konfidenca kalon ne arogance apo ne nje veteperfaqesim te ekzagjeruar, ajo humbet te gjithe sharmin e saj autentik. Nje femer qe perpiqet me ngulm te tregoje se eshte me e mire se te tjeret, se di cdo gje apo se nuk ka nevoje per asnje njeri ne asnje rrethane, shpesh krijon nje mur mbrojtes qe i largon te tjeret ne vend qe ti afroje. Aroganca ne te vertete nuk eshte gje tjeter vecse nje maske e nje pasigurie te fshehur me me kujdes, dhe njerezit arrijne ta ndiejne kete menjehere.

Ekuilibri eshte celesi i gjithckaje ne kete mes. Konfidenca me e madhe dhe me terheqise eshte ajo qe nuk ka nevoje te bertase per te vertetuar ekzistencen e saj. Ajo eshte e qete, e permbajtur dhe e ngrohte. Nje femer me konfidence te shendetshme njeh pikat e saj te forta por pranon edhe ndonje mangesi pa u ndier e kercenuar. Ajo e di se nuk ka nevoje te jete perfekte per te qene e vlefshme dhe pikerisht kjo ndergjegje e ben ate aq magnetike. Kjo lloj sigurie te lejon te krijosh lidhje te verteta, te jesh e hapur ndaj te tjereve dhe te transmetosh nje terheqje qe nuk zbehet me kalimin e kohes.

Ne fund te dites, konfidenca mbetet tipari kryesor sepse ajo percakton menyren se si nje femer e sheh veten dhe si rrjedhoje menyren se si bota e sheh ate. Te punosh me vetebesimin tend pa e kaluar ate ne arrogance eshte nje nga artet me te medha te terheqjes femerore. Eshte pikerisht ai ekuiliber delikat ku vetebesimi takon thjeshtesine, duke e bere nje femer te duket jo vetem e bukur, por plotesisht e plote ne cdo ambient ku ajo shkel.